Нэмэгдсэн: 2019-11-25 10:56:00

Санхүүгийн зохицуулах хорооны 2019 оны XVI хуралдаан болж нийт 31 асуудлыг хэлэлцэн шийдвэрлэлээ.

Хуралдаанаар “Нийслэлийн өмчит Улаанбаатар” ХХК, “Эрдэнэс ассет менежмент” ХХК-д хөрөнгө оруулалтын менежментийн үйл ажиллагаа эрхлэх тусгай зөвшөөрөл олгож, “Хөвсгөл алтан дуулга” болон “Лэндмн ББСБ” ХК-иудын хаалттай хүрээнд гаргаж буй өрийн хэрэгслийг бүртгэв.

Мөн “Мандал даатгал” ХК-ийн хувьцаа хуваах асуудлыг шийдвэрлэж, “Очун капитал” хувийн хөрөнгө оруулалтын санг үүсгэн байгуулах баримт бичгийг бүртгэж, нэр бүхий 3 компанийн хувьцааг тусгаарлалтаас чөлөөлж, нэг компанийн үнэт цаасыг нийтэд санал болгохыг зөвшөөрсөн үнэт цаасны бүртгэлээс хаслаа. 

Түүнчлэн зарим даатгалын компанийн давхар даатгалын зуучлагчийн үйл ажиллагаа, төлөөлөгчийн газар, даатгалын бүтээгдэхүүнийг бүртгэж, нэр бүхий компаниудын даатгалын зуучлагчийн үйл ажиллагаа эрхлэх тусгай зөвшөөрлийг түдгэлзүүлэх, салбарыг нь бүртгэлээс хасах асуудлыг шийдвэрлэв.

Мөн нэр бүхий үнэт цаасны компани, хадгаламж зээлийн хоршоо,  ББСБ-уудын үл ажиллагаа явуулах тусгай зөвшөөрлийг сунгах, зөвшөөрөл нэмж олгох, түдгэлзүүлэх, хүчингүй болгох зэрэг асуудлыг хэлэлцэн шийдвэрлэлээ. 

 

САНХҮҮГИЙН ЗОХИЦУУЛАХ ХОРООНЫ

ХЭВЛЭЛ МЭДЭЭЛЛИЙН АЛБА

Бусад мэдээ