Нэмэгдсэн: 2019-05-09 09:26:00

Их Британи, Умард Ирландын Нэгдсэн Вант Улс (ИБУИНВУ)-аас Монгол Улсад суугаа онц бөгөөд бүрэн эрхт элчин сайд Филип Малоун Санхүүгийн зохицуулах хороогоор зочилж, СЗХ-ны дарга, доктор С.Даваасүрэнтэй найрсаг уулзалт хийв. Уулзалтын үеэр элчин сайд Филип Малоун, СЗХ-ны дарга, доктор С.Даваасүрэн нар банкнаас бусад санхүүгийн салбарын хөгжил дэвшлийн талаар санал солилцож, цаашид хамтран ажиллах боломжийн талаар ярилцав.

ИБУИНВУ-аас Монгол Улсад суугаа онц бөгөөд бүрэн эрхт элчин сайд Филип Малоун банкнаас бусад санхүүгийн салбарын тулгамдсан асуудлыг сонсож, шийдэж болох боломжийн талаар саналаа хэллээ. Тухайлбал Монгол Улс, Олон улсын мөнгө угаахтай тэмцэх, санхүүгийн арга хэмжээ авах байгууллагын (FATF) саарал жагсаалтад орох эрсдэлтэйг дурдаж, мөнгө угаах болон терроризмын санхүүжилттэй тэмцэх ажлын хүрээнд хамтран ажиллах, СЗХ-г чадавхжуулах чиглэлээр техникийн туслалцаа үзүүлэх боломжтой гэв.