Нэмэгдсэн: 2018-02-14 14:27:00

Монгол Улсын Ерөнхийлөгчийн зарлигаар Санхүүгийн зохицуулах хорооны ахлах хянан шалгагч Амарын Авир Төрийн дээд шагнал “Алтан гадас” одонгоор, хянан шалгагч Даваахүүгийн Соёлмаа “Хөдөлмөрийн хүндэт медаль”-аар тус тус шагнууллаа. Шагналыг Хорооны дарга С.Даваасүрэн зүүн өгч, төрийн бодлого, үйл ажиллагааг хэрэгжүүлэхэд хамт олны цөм болж, ажил үйлс, сэтгэл зүтгэлээрээ манлайлдаг сайчуудын маань үлгэр дууриал ихээхэн үүрэг гүйцэтгэдэг юм гээд, цаашдын ажилд нь амжилт хүслээ.

Ахлах референт А.Авир улсад нийт 20 шахам жил ажилласны 10 гаруй жилд нь Үнэт цаасны болон Санхүүгийн зохицуулах хороонд ажиллаж буй юм. Референт Д.Соёлмаа Хороонд анх байгуулагдсанаас эхлэн ажилласан бөгөөд улсад нийт 15 жил ажиллаж буй юм.

А.Авир, Д.Соёлмаа нар ойлголцол, сэтгэл нийлж, үнэт зүйл, эрхэм зорилгодоо нэгдэж чадсан хамт олонтой хүнээс их бүтээмж гардаг юм байна гээд Хорооны удирдлага, хамт олондоо баяр талархал илэрхийлэв.