Нэмэгдсэн: 2017-12-28 13:04:00

Санхүүгийн зохицуулах хорооны Хяналт шалгалт, зохицуулалтын газрын орлогч дарга Б.Долгорсүрэн Монгол Улсын Ерөнхийлөгчийн зарлигаар төрийн дээд шагнал “Алтан гадас” одонгоор, Захиргаа удирдлагын газрын ахлах референт Л.Энхбаяр Төрийн албаны зөвлөлийн шийдвэрээр “Төрийн албаны тэргүүний ажилтан” цол тэмдгээр тус тус шагнуулсныг өнөөдөр Хорооны дарга С.Даваасүрэн гардууллаа.

Шагнал гардуулах үеэрээ Хорооны дарга С.Даваасүрэн, Монголын санхүүгийн салбарыг хөгжүүлэх, бодлого зохицуулалтыг төлөвшүүлэх чиглэлээр олон жил тууштай ажиллаж, хамгийн гол нь эрхэлж байгаа ажилдаа хоёргүй чигч сэтгэлээр зүтгэж яваа Б.Долгорсүрэн, төрийн албаны чиг үүргийг шударга, санаачилгатай биелүүлж ажилладаг Л.Энхбаяр нарын ажил үйлс хамт олон, залуу үеийнхэнд үлгэр дуурайл болдгийг онцолж, амжилт хүслээ.